Xəbərlər
Ağcabədidə ilk dəfə səs verəcək seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyasının namizədi cənab İlham Əliyevin seçkiqabağı təşviqat kampaniyası çərçivəsində yanvarın 18-də Ağcabədi rayonunda ilk dəfə səs verəcək gənclərlə görüş keçirilib.
Görüş Azərbaycanın Dövlət Himninin səsləndirilməsi ilə başlayıb.
Tədbirdə YAP Ağcəbədi rayon təşkilatının sədri Rövşən Əhmədov, Milli Məclisin Aqrar siyasət komitəsinin sədri Tahir Rzayev və təşviqat qrupunun üzvü Rövşən Bayramov çıxış ediblər. Natiqlər ölkəmizdə dövlət gənclər siyasətinin əhəmiyyətindən bəhs edib, Prezident İlham Əliyevin qayğısı sayəsində Azərbaycan gəncliyinin davamlı inkişaf yolunda olduğunu vurğulayıblar. Natiqlər ilk dəfə səs verəcək gəncləri 7 fevral seçkilərində qalib Lider İlham Əliyevə səs verməyə çağırıblar.
Görüş Yeni Azərbaycan Partiyasının Himninin səslənməsi ilə başa çatıb.
Qeyd edək ki, təşviqat kampaniyası çərçivəsində rayonun Kəbirli və Mehrablı kəndlərində də seçicilərlə görüş keçirilib.