YENİ AZƏRBAYCAN PARTİYASI

Əfsun Sucayev

YAP İdarə Heyətinin üzvü

Azərbaycan Respublikasının Prezidenti İlham Əliyevin “Euronews” televiziyasına müsahibəsində diqqət cəlb edən məqamlardan biri Qarabağın dağlıq hissəsində toplum şəklində yaşayan ermənilərə tövsiyələri ilə bağlıdır. Bu humanist fikirlər bir tərəfdən onlara hələ də seçim imkanları tanımaqdırsa, digər tərəfdən baş verənlərdən nəticə çıxarmaları üçün son xəbərdarlıqdır. Onlar bir şeyi yaxşı anlamalıdırlar ki, torpağın əsl sahibləri olan azərbaycanlıları öz doğma evlərindən-eşiklərindən didərgin salmaqlarına, başlarına olmayan fəlakətləri gətirmələrinə baxmayaraq, o xalqın rəhbəri onların yersiz gəlib, yurd saldıqları yerlərdə yaşamaqlarına davam etmələrini istəyir. Dünyanın heç bir ölkəsinin nə xalqı, nə də rəhbəri bu qədər humansitlik nümayiş etdirməzdi. Belə göydəndüşmə fürsəti isə hər bir xalq, millət düşünmədən dəyərləndirər, onları yalanları ilə aldadan qondarma liderlərinin arxasınca getməzdilər.

Huylu huyundan, köylü köyündən vazgeçmədiyi kimi, ermənilərdə qazanılmış immunitetləri olan pis vərdişlərindən asanlıqla keçənə oxşamırlar.

İrsiyyət deyilən dərin bir elm var. O elmin bizə görünən tərəflərinə görə, irsi xüsusiyyətlər asanlıqla dəyişdirilə bilməz. Nə qədər çalışsan da faydası yoxdur. Bu zay məxluqatlar “Böyük Ermənistan” xülyası, “Dağlıq Qarabağın müstəqil ola biləcəyi” nağıllarına o qədər inanıblar ki, yuxudan ayılmaq belə istəmirlər.

Əks halda dövlət başçısının vurğuladığı kimi, Qarabağ erməniləri başa düşərdilər ki, təhlükəsizlik təminatları, hüquqlarının, o cümlədən təhsil, mədəniyyət, dini, bələdiyyə hüquqlarının təmin edilməsi ilə Azərbaycan cəmiyyətinin bir hissəsi olaraq normal həyat yaşamaları onların əldə edə biləcəkləri son arzu-istək olmalıdır. “Onlar başa düşməlidirlər ki, bizi saymamağa davam etsələr, bizim mövcud olmadığımız kimi davranmağa davam etsələr və ya “prezidenti”, “nazirləri”, “parlamentariləri” olan qondarma ölkədə yaşayırlarmış kimi davransalar, bu gün olduqları vəziyyət onların xeyrinə dəyişməyəcək. Bütün bunlar yalandır. Biz onlara normal həyat təklif edirik. Düşünürəm ki, onlar mənə qulaq assalar başa düşəcəklər və bilirlər ki, mən sözümə əməl edirəm”, - deyə Prezident İlham Əliyev bildirib.

Ölkə rəhbərinin bəyan etdiyi kimi Qarabağda, hazırda müvəqqəti olaraq rusiyalı sülhməramlıların nəzarəti altında olan ərazidə yaşayan insanlar Azərbaycanda yaşayırlar və onlar onsuz da Azərbaycanın çox zəngin olduğu digər milli azlıqları kimi Azərbaycan vətəndaşları olaraq yaşayacaqlarına və ya Azərbaycanı tərk edəcəklərinə dair seçim etməlidirlər: “Bu, onların seçimidir. Bu, bizim onları buranı tərk etməsini istədiyimizə və ya Ermənistanın bizi etnik təmizləmə siyasəti aparmaqda günahlandırdığına görə etmirik. Biz onlara seçim hüququ veririk. Çünki onlar heç bir hüquqi icazə olmadan ya Ermənistan vətəndaşları olaraq, ya da heç kim tərəfindən tanınmayan dırnaqarası “Dağlıq Qarabağ respublikası”nın vətəndaşları olaraq bizim ərazidə necə yaşaya bilərlər? Hesab edirəm ki, bu, legitim yanaşmadır. Bu yanaşma beynəlxalq təcrübəyə uyğundur. Bu yanaşma separatizmə qarşı mübarizə aparan bir çox Avropa ölkələrində gördüyümüz təcrübəyə uyğundur”, - dövlət başçısı vurğulayıb.

Deməli ölkənin birinci şəxsi bəyan edir: iki seçim var – ya Azərbaycan vətəndaşı olaraq, qanunlarımız altında yaşayacaqsınız, ya da istədiyiniz yerlərə köçüb gedəcəksiniz. Yoxsa “blokada”, “aclıq” nağıllarını uşaqlarınıza saxlayın. Bu ədalətsiz dünyada elə o dünya güclərinin əsl aclıqla imtahan etdikləri Afrika xalqları üçün bir “taxıl yolu”nu aça bilmədikləri halda Qarabağın cənnət guşəsində “eyş-işrətlə məşğul olan”ların sosial şəbəkələrdə paylaşdıqları ad günləri, toy- düyünlərdəki nümayiş etdirdikləri şadyanılaqları görməzdən gəlib, boş hay-küylərinizə inanacaqlarını zənn edirsiniz, vallah yanılırsınız. Maraqlı sual deyilmi: Əgər Qarabağda, həqiqətən, aclıq varsa, onda ermənilər niyə Ağdam-Xankəndi yolu vasitəsilə humanitar yüklərin daşınması təklifimizə müsbət cavab vermirlər? Təkcə bu fakt  bir daha göstərir ki, əslində Xanın kəndində heç bir blokada və aclıq yoxdur. Sadəcə düzüb-qoşduqları tamaşa ilə diqqətləri özlərinə çəkmək istəyirlər.