Xəbərlər
Bəşəriyyətə mühüm töhfələr
Bayram Aslanov
YAP İdarə Heyətinin üzvü, YAP Gəncə şəhər təşkilatının sədri
Azərbaycanın mühüm beynəlxalq tədbirlərə ev sahibliyi etməsi artıq ənənə halını alıb. İyulun 5-də Bakı Konqres Mərkəzində, Qoşulmama Hərəkatının Əlaqələndirmə Bürosunun “Qoşulmama Hərəkatı: meydana çıxan çağırışlarla mübarizədə birgə və qətiyyətli” mövzusunda nazirlərin görüşü ölkəmizin artıq regionun güc mərkəzinə çevrildiyinin təsdiqidi idi.
120 ölkəni birləşdirən, BMT Baş Assambleyasından sonra dünya dövlətlərinin təmsil olunduğu ən böyük siyasi təsisat olan Qoşulmama Hərəkatı son üç il ərzində Müstəqil Azərbaycanın sədrliyi ilə ən uğurlu dövrünü yaşayır. Xüsusi ilə, dünyanın ağır pandemiya dövründə Qoşulmama Hərəkatı Azərbaycanın sədrliyi ilə real təşəbbüsləri, qəbul etdiyi qərarları ilə, yer kürəsinin başının üstünü alan fəlakətlə mübarizədə öz işinin öhdəsindən layiqincə gəldi.
Azərbaycan Qoşulmama Hərəkatına sədrliyi ilə dünyada baş verən hadisələrin, mövcud çətinliklərin təhlili fonunda təşkilatın bəşəriyyət üçün faydalarını nümayiş etdirdi. Qoşulmama Hərəkatına sədrliyi dövründə Azərbaycan qlobal həmrəyliyin və əməkdaşlığın vacibliyini önə çəkərək bu istiqamətdə davamlı addımlar atdı. Ölkəmiz əksəriyyəti Qoşulmama Hərəkatına üzv olan 80-dən çox ölkəyə ya ikitərəfli qaydada, ya da Ümumdünya Səhiyyə Təşkilatı vasitəsilə COVID-19 ilə bağlı maliyyə və humanitar dəstək göstərib.
Azərbaycan eyni zamanda, müasir beynəlxalq münasibətlər sistemində əməkdaşlıq əlaqələrinin inkişafına, transmilli layihələrin reallaşdırılmasına və qlobal təhlükəsizlik məsələlərinə öz töhfəsini verən regional güc kimi qəbul edilir. Azərbaycanın sədrliyi ilə Bakıda keçirilən Qoşulmama Hərəkatının Əlaqələndirmə Bürosunun nazirlər görüşündə əsas müzakirə mövzularından biri də müasir dünyamızda milli azlıqların hüquqlarını tapdalayır Fransanın yürütdüyü müstəmləkəçilik siyasəti olub. Dövlətimizin başçısı çıxışında bəyan edib: “Azərbaycan neokolonializm meyillərinin artmasından olduqca narahatdır. Dekolonizasiya prosesi nəticəsində yaranmış Qoşulmama Hərəkatı keçmişin bu utancverici mirasına qarşı qətiyyətlə mübarizə aparmalı və onun tamamilə aradan qaldırılmasına öz töhfəsini verməlidir”.
Əlcəzair əsilli 17 yaşlı yeniyetmənin Fransa polisi tərəfindən qətlə yetirilməsi bu ölkədə irqçiliyin və islamofobiyanın, riyakarlıq və ikili standartların baş alıb getdiyinin açıq-aydın təzahürü olduğunu təsdiq edir.
Ölkə Prezidenti İlham Əliyev çıxışında özünü insan haqlarının və beynəlxalq hüququn müdafiəçisi kimi qələmə verən Fransanın hələ də digər ölkələrin daxili işlərinə qarışdığına da toxundu. Öz qonşu dövlətlərinin daxili işlərini qarışıqlıq salan Fransa Azərbaycanın Qarabağ iqtisadi rayonunda erməni separatizmini qızışdırır, onların reinteqrasiyasına mane olur. Fransa unudur ki, mənfur cəhdləri Cənubi Qafqaz regionunda heç bir nəticə verməyəcək. Məhz Prezident İlham Əliyevin siyasi qətiyyəti ilə Bakıda keçirilən toplantı çərçivəsində Fransa müstəmləkəçiliyinə qarşı Bakı Təşəbbüs Qrupu yaradıldı. Bu, qrupun irəli sürdüyü bütün təşəbbüslər beynəlxalq hüquqa əsaslanmaqla, bəşəri dəyərlərin qoruyur.
Bu da, o deməkdir ki, 44 günlük Vətən müharibəsində tarixi ədaləti bərpa edərək regionda yeni reallıqlar yaradan Azərbaycanın əsas hədəfi dünya xalqlarının xoşbəxt və firavan gələcəyininə, bəşəriyyətə mühüm töhfələr verməkdir.