Xəbərlər
Prezident İlham Əliyev Migel Dias-Kanel Bermudesi Kubanın dövlət başçısı seçilməsi münasibətilə təbrik edib
Azərbaycan Prezidenti İlham Əliyev Kuba Respublikasının Prezidenti Migel Dias-Kanel Bermudesə yenidən dövlət başçısı seçilməsi münasibətilə təbrik məktubu göndərib.
Dövlətimizin başçısı xoş ənənələrə əsaslanan Azərbaycan-Kuba əlaqələrinin bu gün uğurla inkişaf etdiyi vurğulayıb.
Təbrik məktubunda, həmçinin deyilir: “İnanıram ki, ölkələrimiz arasındakı dostluq münasibətlərinin daha inkişafı, həm ikitərəfli, həm də çoxtərəfli müstəvidə qarşılıqlı faydalı əməkdaşlığımızın genişlənməsi yolunda birgə səylərimizi bundan sonra da ardıcıl şəkildə davam etdirəcəyik. Sizə möhkəm cansağlığı, xoşbəxtlik, dost Kuba xalqının rifahı naminə ali dövləti fəaliyyətinizdə müvəffəqiyyətlər arzulayıram”.