Xəbərlər
Gədəbəydə şəhidlərin xatirəsi ehtiramla anılır
Gədəbəy rayonu Parakənd kəndində şəhid Allahverdiyev Seymur Qərib oğlunun şəhadətinin ikinci ildönümü qeyd olunub.
Yeni Azərbaycan Partiyası (YAP) Gədəbəy rayon təşkilatının sədri Rüstəm Nağıyev, təşkilat nümayəndələri, Gədəbəy Rayon İcra Hakimiyyəti başçısı Aparatının məsul işçiləri, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları, Gədəbəy şəhər Cümə məscidinin imamı Rövşən Mustafayev və kənd sakinləri şəhidin məzarını ziyarət edib, ruhuna dualar oxuyub, əziz xatirəsini böyük ehtiramla anıblar.
Şəhidin atası dövlət tərəfindən onlara göstərilən diqqət və qayğıya görə Prezident İlham Əliyevə, Birinci vitse-prezident Mehriban xanım Əliyevaya öz minnətdarlığını bildirib.
