Xəbərlər
Şəhid Emil İsgəndərovun anım mərasimi keçirilib
Sumqayıtda Vətən müharibəsində qəhrəmancasına döyüşərək şəhid olan Daxili İşlər Nazirliyinin Daxili Qoşunlarının giziri İsgəndərov Emil Vaqif oğlunun ildönümü mərasimi keçirilib.
Anım tədbirində Yeni Azərbaycan Partiyası Sumqayıt şəhər təşkilatının nümayəndələri və partiya fəalları, şəhid ailələri, ictimaiyyət nümayəndələri iştirak ediblər. Təşkilat üzvləri şəhidin ailəsinə başsağlığı verib, belə qəhrəman oğul böyütdükləri üçün təşəkkür ediblər.
Mərasimdə Emil İsgəndərovun şərəfli ömür yolundan, torpaqlarımızın işğaldan azad edilməsi uğrunda gedən döyüşlərdəki şücaətindən bəhs edilib. Şəhidlərimizin əziz xatirəsinin qəlblərdə əbədi yaşayacağı vurğulanıb.
Qeyd edək ki, Emil İsgəndərov noyabrın 7-də Şuşa uğrunda gedən döyüşlər zamanı şəhid olub, ölümündən sonra “Vətən uğrunda” və “Şuşanın azad olunmasına görə” medalları ilə təltif edilib.
