Xəbərlər
YAP Tərtər rayon təşkilatının nümayəndələri şəhidlərin anım mərasimində iştirak ediblər
Yeni Azərbaycan Partiyası Tərtər rayon təşkilatının rəhbərliyi və fəalları ölkəmizin ərazi bütövlüyü uğrunda gedən döyüşlərdə qəhrəmancasına şəhid olmuş Tərtər rayon Kəngərli kənd sakinləri Mənsimli İntiqam Rövşən oğlu və Quluzadə Elmin Şəmsi oğlunun şəhadətinin birinci ildönümü ilə əlaqədar keçirilən anım mərasimində iştirak ediblər.
Əvvəlcə şəhidlərin məzarı ziyarət olunub, onların əziz xatirəsi böyük ehtiramla yad edilib.
Sonra YAP rayon təşkilatının nümayəndələri şəhidlərin anım mərasimində iştirak edərək onların ailələrinə və yaxınlarına başsağlığı veriblər.
Şəhid ailələrinin üzvləri Prezident İlham Əliyev və Birinci vitse-prezident Mehriban xanım Əliyeva tərəfindən göstərilən diqqət və qayğıya görə təşəkkürlərini bildiriblər.