Xəbərlər
Qobustanda şəhid Cahangir Baxışovun anım mərasimi keçirilib
Qobustan rayonunun Nardaran kəndində Vətən müharibəsi şəhidi Baxışov Cahangir Əmrah oğlunun şəhadətinin ildönümünə həsr olunmuş anım mərasimi keçirilib.
Mərasimdə Qobustan Rayon İcra Hakimiyyətinin başçısı Adil Məmmədov, Milli Məclisin deputatı Şahin Seyidzadə, Yeni Azərbaycan Partiyası Qobustan rayon təşkilatının və huquq mühafizə orqanlarının rəhbərliyi və rayon ictimaiyyətinin nümayəndələri iştirak ediblər.
Tədbir çərçivəsində şəhidin məzarı ziyarət olunub, məzarı üzərinə gül-çiçək dəstələri düzülərək əziz xatirəsi böyük ehtiramla yad edilib.
Mərasim iştirakçıları “Vətən uğrunda” medalı ilı təltif olunmuş şəhid Baxışov Cahangir Əmrah oğlunun ailə üzvüləri ilə görüşmüş və qayğıları ilə maraqlanıblar.
Şəhidin valideynləri göstərilən diqqət və qayğıya görə Prezident İlham Əliyev və Birinci vitse-prezident Mehriban xanım Əliyevaya minnətdarlıqlarını ifadə ediblər.
Allah bütün şəhidlərimizə rəhmət eləsin, ruhları şad olsun.
