Xəbərlər
Şəhid Orxan Kərimlinin şəhadətinin ildönümü mərasimi keçirilib
Azərbaycanın ərazi bütövlüyü uğrunda gedən döyüşlərdə iştirak edərək şəhidlik zirvəsinə ucalan Kərimli Orxan Akif oğlunun şəhadətinin ildönümü mərasimi keçirilib.
Göyçay rayonunun Potu kəndində keçirilən mərasimə YAP Göyçay rayon təşkilatının rəhbərliyi, Milli Məclisin deputatı Sabir Hacıyev, partiya fəalları, rayon ictimaiyyətinin, hüquq-mühafizə orqanlarının nümayəndələri, şəhid ailələrinin üzvləri, qazilər iştirak ediblər.
Əvvəlcə vətənimizin ərazi bütövlüyü uğrunda canından keçmiş şəhidimizin məzarı ziyarət edilərək əziz xatirəsi ehtiramla anılıb, ruhuna dualar oxunub.
Daha sonra şəhidin ailəsi ziyarət edilib, ailə üzvlərinə dərin hüznlə başsağlığı verilib.
Həmçinin mərasimə qatılanların iştirakı ilə şəhid Orxan Kərimlinin adının əbədiləşdirilməsi məqsədi ilə yaşadığı evin qarşısında inşa olunan bulaq kompleksinin açılışı olub.
Qeyd edək ki, Prezident İlham Əliyevin müvafiq Sərəncamı ilə “Cəbrayılın və Kəlbəcərin işğaldan azad olunmasına görə” medalları şəhidin valideynlərinə təqdim edilib.
