Xəbərlər
YAP Qaradağ rayon təşkilatında partiya sıralarına yeni qəbul olunmuş şəxslərə üzvlük vəsiqələri təqdim olunub
Yeni Azərbaycan Partiyasının Qaradağ rayon təşkilatında partiya sıralarına yeni qəbul olunmuş şəxslərə üzvlük vəsiqələrinin təqdimetmə mərasimi keçirilib.
Tədbirdə çıxış edən YAP Qaradağ rayon təşkilatının sədri Qafar Əliyev Yeni Azərbaycan Partiyasının ölkəmizin aparıcı siyasi qüvvəsi olduğunu bildirib. O qeyd edib ki, Prezident İlham Əliyevin rəhbərlik etdiyi partiyamız bütövlükdə Cənubi Qafqazın ən güclü siyasi qüvvəsinə çevrilib.
Təqdimetmə mərasimində millət vəkilləri Aydın Hüseynov, Səbinə Xasayeva və Qaradağ rayon İcra Hakimiyyətinin İctimai-siyasi və hümanitar məsələlər şöbəsinin müdiri, “91-lər” hərəkatının üzvü Munis Bayramov çıxış edərək YAP sıralarına yeni qoşulan üzvləri təbrik edərək onlara Yeni Azərbaycan Partiyasının adını ləyaqətlə daşımalarını, partiyanın şərəfli missiyasının həyata keçirilməsində fəal iştirak etmələrini arzu ediblər.
