Xəbərlər
Samuxda şəhid Ərəbov Orxan Ramiz oğlunun ildönümü münasibətilə məzarı ziyarət olunub
Yeni Azərbaycan Partiyası Samux rayon təşkilatının sədri Gündüz Bayramov, Samux rayon İcra Hakimiyyətinin başçısı Alı Qocayev, rayonun hüquq-mühafizə orqanlarının rəhbərləri, eləcə də rayon ictimaiyyəti və kənd sakinlərinin iştirakı ilə Vətən uğrunda gedən döyüşlərdə torpaqlarımızı işğaldan azad edərək xalqımıza Qələbə sevinci bəxş edən, bu yolda canından, qanından keçən şəhid Ərəbov Orxan Ramiz oğlunun ildönümü münasibətilə məzarı ziyarət olunub. Samux rayon Qədili kənd sakini olan şəhidin xatirəsi ehtiramla anılıbb, məzarı üzərinə gül dəstələri qoyulub.
Mərasimdə çıxış edənlər Prezident, Ali Baş Komandan İlham Əliyevin rəhbərliyi ilə qırx dörd gündə qazanılan qələbənin tarixi əhəmiyyətindən, Azərbaycanın müstəqilliyi, suverenliyi və ərazi bütövlüyü uğrunda canlarını fəda edən şəhidlərimizin, eləcə də sağlamlıqlarını itirən qazilərimizin keçdikləri şərəfli döyüş yollarından danışıblar. Vurğulayıblar ki, bu döyüşlərdə samuxlu əsgər və zabitlər də Vətənə layiq qəhraman oğullar kimi ad qazanıblar.