Xəbərlər
YAP Suraxanı rayon təşkilatının nümayəndələri şəhid ailəsini ziyarət etmişlər
YAP Suraxanı rayon təşkilatının nümayəndələri Zığ qəsəbəsinin sakini olmuş, 3-cü dərəcəli “Rəşadət” ordeni və “Vətən uğrunda” medalı ilə təltif olunmuş Vətən müharibəsi şəhidi leytenant Əliyev Samir Əliheydər oğlunun ailəsini ziyarət etmiş, ailəyə təşkilat adından sovqat təqdim etmiş, ailənin qayğıları ilə maraqlanmışlar.
Səmimi söhbət əsnasında təşkilatın aparat rəhbəri Salman Əbdülov vurğulamışdır ki, YAP-ın rayon təşkilatı hər an şəhid ailələrinin yanındadır və bundan sonra da onların problemlərinin həlli, çətinliklərinin aradan qaldırılması və yaşayış şəraitlərinin yaxşılaşdırılması istiqamətində imkanları çərçivəsində əllərindən gələni əsirgəməyəcəklər.
Sonda şəhid ailəsi göstərilən diqqət və qayğıya görə Yeni Azərbaycan Partiyası Suraxanı rayon təşkilatına öz minnətdarlığını bildirmişdir.
