Xəbərlər
YAP Xətai rayon təşkilatının fəalları rayon ərazisində yaşayan şəhid ailələrini ziyarət ediblər
YAP Xətai rayon təşkilatının fəalları “Şəhid ailələrinə qayğı” aksiyası çərçivəsində şəhid Quliyev Rəşad Rəşid oğlu və İbrahimov Xeyrulla Mais oğlunun ailələrini ziyarət ediblər.
Quliyev Rəşad Rəşid oğlu “Vətən uğrunda” medalı ilə təltif olunub.
İbrahimov Xeyrulla Mais oğlu “Azərbaycan bayrağı ” ordeni, “Vətən uğrunda” və “Xocavəndin azad olunmasına görə” medalları ilə təltif olunub.
Ziyarət zamanı təşkilat üzvləri şəhid ailələrinə baş sağlığı verib, ailələrin qayğıları, problemləri ilə maraqlanıblar. Eyni zamanda, Novruz sovqatları ilə onların qarşıdan gələn bayramlarını təbrik ediblər.
Şəhid ailələri onlara göstərilən diqqət və qayğıya görə ölkə Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını ifadə ediblər.