Xəbərlər
YAP Bərdə rayon təşkilatı "Şəhid ailələrinə qayğı" aksiyası çərçivəsində görüşlərini davam etdirir
Yeni Azərbaycan Partiyasının Bərdə rayon təşkilatı "Şəhid ailələrinə qayğı" aksiyası çərçivəsində görüşlərini davam etdirir.
Aksiya çərçivəsində YAP Bərdə rayon təşkilatının sədri Fəqət Şadlinskaya və təşkilatın bir qrup fəal üzvləri Vətən müharibəsində şəhid olmuş rayonun Dəymədağıldı kəndindən olan Elyaz Vəli oğlu Qarayevin ailəsini ziyarət ediblər.
Elyaz Qarayev Cəbrayıl, Füzuli, Zəngilan və Qubadlı rayonlarının düşmən tapdağından azad olunması uğrundakı döyüşlərdə iştirak etmiş və Qubadlının azad edilməsi əməliyyatında qəhrəmancasına şəhid olub.
Şəhidin ailəsi böyük fəxr hissi ilə şəhidlərimizin qanını yerdə qoymadıqlarına, xalqımıza qələbə sevinci yaşatdıqlarına görə Silahlı Qüvvələrin Ali Baş Komandanı cənab İlham Əliyevə və müzəffər Azərbaycan ordusuna minnətdarlıq ediblər.
Eyni zamanda, ölkəmizdə şəhid ailələrinə göstərilən diqqət və qayğıdan məmnunluq ifadə olunub.
Təşkilat üzvləri həmçinin ailənin problemləri ilə maraqlanıb və bəzi problemlərin həlli üçün köməklik göstəriblər.
