Xəbərlər
Azər Badamovun növbəti görüşləri Gedəzeyxur, Bədişqala, Gündüzqala kəndlərində və Qusar şəhərində keçirilib
51 saylı Qusar seçki dairəsi üzrə Yeni Azərbaycan Partiyasının namizədi Azər Badamovun növbəti görüşləri rayonunun Gedəzeyxur, Bədişqala, Gündüzqala kənd və Qusar şəhər seçiciləri ilə keçirilib.
Görüşləri YAP Qusar rayon təşkilatının sədri David İbramxəlilov açmış, seçicilərə Yeni Azərbaycan Partiyasının Azərbaycan Respublikasının ictimai siyasi həyatındakı uğurları barədə məlumat vermişdir.
O,həmçinin Yeni Azərbaycan Partiyasının 51 saylı Qusar seçki dairəsindən deputatlığa namizədi Azər Badamovun fəaliyyəti barədə danışaraq seçiciləri Yeni Azərbaycan Partiyası tərəfindən namizədliyini irəli sürülmüş Azər Badamova səs verməyə çağırmışdır.
Görüşdə deputatlığa namizəd Azər Badamov geniş nitqlə çıxış etmişdir.
Görüşlərdə çıxış edən seçicilər Finyaz Kərimov, Asəf Əmirbəyov,Vüqar Balaşov, Məzahir Səlomov, Şixməhəmməd Zahirov, Abusərdar İskəndərov,Məryəm Kərəmova, Fərhad Pirmətov və Gülüş Hacıyeva Yeni Azərbaycan Partiyasının siyasi xəttini dəstəkləyərək deputatlığa namizəd Azər Badamova yekdilliklə səs verəcəklərini bildirmişlər.
