Xəbərlər
Kürdəmir rayonunun Qarabucaq qəsəbə, Qarabucaq kənd, və Qurd Bayram kəndlərində çoxsaylı seçicilərlə görüşlər keçirilib
Yeni Azərbaycan Partiyasının Prezidentliyə namizədi cənab İlham Əliyevin təbliğat – təşviqat kampaniyası çərçivəsində Kürdəmir şəhərində, eləcə də rayonun Qarabucaq qəsəbə, Qarabucaq kənd, və Qurd Bayram kəndlərində çoxsaylı seçicilərlə görüşlər keçirilib.
Görüşlərdə YAP Mərkəzi Seçki Qərargahı Kürdəmir rayon şöbəsinin və partiyanın rayon təşkilatının sədri Ağali Kərimli qeyd edib ki, cənab İlham Əliyevin rəhbərliyi ilə ölkədə genişmiqyaslı quruculuq işləri, infrasturuktur layihələri reallaşdırılır: «Azərbaycanda lider-xalq birliyi sarsılmazdır. Xalqımız öz liderinə inanır, liderimiz də xalqın maraqlarını ləyaqətlə təmsil edir. Seçicilərimiz mövcud inikişafın davamlı olmasını istəyərək 11 aprel tarixində cənab İlham Əliyevə yenidən etimad göstərəcəklər.»
Milli Məclisin deputatı Elman Nəsirov, Azərbaycan Jurnalistlər Birliyinin üzvü, şairə-jurnalist Zemfira Zərbalıyeva, rayon təbliğat-təşviqat qrupunun üzvlərindən Sabir Novruzov, Elmira Süleymanova çıxış edərək bildiriblər ki, biz şərəfli bir yolla, inamla, qürurla, iftixarla irəliləyirik. İllərdir bu yol bizi qələbələrə, yeni uğurlara, yeni nailiyyətlərə aparır: «Ölkəmizdə iqtisadi inkişaf sürətli və davamlıdır. Bu siyasətin davamlı olması üçün yenə də cənab İlham Əliyevə səs verməliyik. Kürdəmir seçiciləri aprelin 11-də yekdilliklə cənab İlham Əliyevə səs verəcəklər.»
Seçicilərdən şəhid anası Əsbət Əliyeva, Rəhman Mikayılov, Rasim Əzizov, Məhəmməd Musayev, Yaqut Əşrəfova, Dürriyə Seyidova çıxış edərək vurğulayıblar ki, Ümummilli Liderimizin siyasi kursu bu gün cənab İlham Əliyev tərəfindən uğurla davam etdirilir.
