Xəbərlər
Azərbaycan Silahlı Qüvvələrinin təliminin növbəti mərhələsi keçirilir
Azərbaycan Silahlı Qüvvələrinin 2016-cı il üçün hazırlıq planına uyğun olaraq, iyunun 19-dan başlanan operativ-taktiki təlimlər davam edir.
İyunun 22-də cəbhə boyu ərazilərdə təlimlərin növbəti - döyüş atışlı mərhələsi başlayıb.
Təlimdən əvvəl nazirliyin rəhbərliyi ilə birlik, birləşmə, hərbi hissə və qərargah rəhbərləri ilə görüş keçirilib.
İyunun 24-dək davam edəcək təlimlərə 25 min nəfərədək şəxsi heyət, 300-də çox tank və zirehli döyüş maşını, 100-dən artıq raket və artilleriya qurğusu, 40-dək hərbi aviasiya və 30-dan çox hava hücumundan müdafiə sistemləri cəlb olunub.