Xəbərlər
Mövlud Çavuşoğlu: Azərbaycanın uğurları Türkiyəni sevindirir
BMT Sivilizasiyalar Alyansının 7-ci Qlobal Forumu Bakıda yüksək səviyyədə keçirilir. Bunu bu gün jurnalistlərə Türkiyənin xarici işlər naziri Mövlud Çavuşoğlu deyib.
Onun sözlərinə görə, bütün iştirakçılar dəfələrlə forumun keçirilməsi ilə bağlı məmnunluqlarını ifadə etdilər: "Belə bir mühüm qlobal forumun uğurla keçirilməsi münasibətilə Azərbaycanı təbrik edirəm".
Nazir əlavə edib ki, Azərbaycan son illər beynəlxalq forumları yüksək səviyyədə təşkil edir və təbii ki, Azərbaycanın uğurları Türkiyəni sevindirir.