Xəbərlər
İmişli seçicilərinin seçimi YAP namizədləridir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində İmişli rayonu Məzrəli-Qaradonlu bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Tədbirdə çıxış edən YAP İmişli rayon təşkilatının sədri Səfa Ağayev dahi lider Heydər Əliyevin yerli özünüidarəetmənin inkişafı ilə bağlı müəyyən etdiyi strateji xəttin Prezident İlham Əliyev tərəfindən uğurla davam etdirildiyini diqqətə çatdırıb. Natiq qeyd edib ki, çoxşaxəli islahatlar kursunun mühüm tərkib hissəsi kimi həyata keçirilən ardıcıl tədbirlər bələdiyyə institutunun təkmilləşdirilməsinə öz töhfəsini verir.
Milli Məclisin deputatı Səyyad Salahlı müstəqillik dövründə keçirilən bütün seçkilərdə YAP-ın inamlı qələbəsindən danışıb. O, növbəti bələdiyyə seçkilərinin də Yeni Azərbaycan Partiyasının qələbəsinin təntənəsi olacağını vurğulayıb.
Çıxış edən bələdiyyə üzvlüyünə namizədlər Faiq Mehbalıyev və Mətin Cəfərov sürətlə inkişaf edən müstəqil dövlətimizi uğurlu inkişafa aparan bu yolda hər bir Azərbaycan vətəndaşının Prezident, YAP Sədri İlham Əliyevin siyasi kursunu dəstəklədiyini bildiriblər.
Görüşlər zamanı seçicilər bələdiyyə seçkilərində partiyanın namizədlərinə səs verəcəklərini vurğulayıblar.
YAP İmişli rayon təşkilatının sədri Səfa Ağayev gün ərzində bir neçə məhəlli görüş keçirib, seçiciləri YAP namizədlərinə səs verməyə dəvət edib.
