Xəbərlər
Məlahət İbrahimqızı “Müstəqilliyimiz, Gənclərimiz və Gələcəyimiz” şüarı ilə keçirilən “Ağacəkmə aksiyası”nda iştirak etmişdir
Yeni Azərbaycan Partiyasının 21 saylı Nəsimi Birinci Seçki Dairəsindən deputatlığa namizədi, millət vəkili Məlahət İbrahimqızı Yeni Azərbaycan Partiyası Nəsimi Rayon Təşkilatı və onun Gənclər Birliyinin təşəbbüsü ilə 18 oktyabr Müstəqillik Gününə həsr edilmiş “Tələbə Ayı” çərçivəsində “Müstəqilliyimiz, Gənclərimiz və Gələcəyimiz” şüarı ilə Nəsimi rayon ərazisində keçirilən “Ağacəkmə aksiyası”nda iştirak etmişdir.
Nəsimi rayonu 4-cü mikrorayon ərazisində 20 Yanvar küçəsi boyunca keçirilən “Ağacəkmə aksiyası”nda 500 nəfərdən çox YAP fəalı iştirak etmişdir.
Məlahət İbrahimqızı çıxış edərək, tədbir iştirakçılarına respublikamızda ənənəyə çevrilmiş bu aksiyanın önəmindən danışdı. Eyni zamanda YAP gənclərinin Heydər Əliyev Fondunun vitse-prezidenti İDEA-nın rəhbəri Leyla xanım Əliyevanın ölkəmizdə və beynəlxalq səviyyədə ekologiyanın qorunması və ətraf mühitin mühafizəsi istiqamətində həyata keçirdiyi əhəmiyyətli və böyük layihələrinə hər zaman dəstək verdiklərini qiymətləndirərək gələcəkdə də belə nəcib missiyaların həyata keçirmələrinə əmin olduğunu bildirdi. “Ağacəkmə aksiyası”nda iştirak edən Nəsimi rayon sakinləri YAP gənclərinin öncül olduğunu bildirərək, onların fəaliyyətinə ictimaiyyətin öz rəğbət və hörmətlərini bildirdilər .