YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Hüseynbala Mirələmov seçicilərlə növbəti görüşünü keçirdi

Namizədlikləri  ölkənin  aparıcı siyasi qüvvəsi olan Yeni Azərbaycan Partiyası tərəfindən irəli sürülənlərin təbliğat-təşviqat kampaniyası mütəşşəkkiliyi ilə seçilir.  Bakı kinoteatrında    beşinci  çağırış Azərbaycan Respublikası  Milli Məclisinə 33 saylı Xətai birinci seçki dairəsindən deputatlığa namizədliyi Yeni Azərbaycan Partiyası tərəfindən  irəli sürülən  Hüseynbala Mirələmovun   seçicilərlə növbəti görüşü  keçirildi.

 Görüşdə YAP Xətai rayon Qadınlar Şurasının sədr müavini Könül Əfəndiyeva, professor Qafar İsmayılov, filologiya elmləri doktoru, professor Elman Quliyev, YAP Xətai rayon təşkilatı sədrinin müavini Yeganə Qurbanova,  seçicilərdən Qalina Manafova, Mənzər İsmayılova, Hicran Şərifov və başqaları çıxış edərək, seçiciləri  ölkəmizin uğurları fonunda davamlı inkişafa nail olmaq üçün  Yeni Azərbaycan Partiyasının namzədlərinə dəstək olmağa çağırdılar. Namizəd, YAP Xətai rayon təşkilatının sədri Hüseynbala Mirələmov bildirdi ki, dövlətə sədaqət, qanunlara hörmət, insanlara etibar, gələcəyə inam hər bir Azərbaycan vətəndaşının harda yaşamasında asılı olmayaraq əsas amalına çevrilməlidir.  Dövlət-xalq birliyi möhkəmdir, sarsılmazdır. Bu həmrəyliyin daha da möhkəmlənməsinə hər kəs dəstək olmalıdır.