YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Avropa mətbuatı: İdmançılar “Bakı-2015” birinci Avropa Oyunlarına tam hazırdırlar

Avropanın müxtəlif ölkələrini təmsil edən idmançılar iyunun 12-28-də Azərbaycanda keçiriləcək “Bakı-2015” birinci Avropa Oyunlarına tam hazırdırlar.

Oyunlarda iştirak edəcək idmançılar səylə hazırlaşdıqları yarışlarda uğur qazanacaqlarına inanırlar.

Böyük Britaniyanın www.scottishgymnastics.org saytında dərc olunan məqalədə bu ölkənin birinci Avropa Oyunlarında 13 idman növündə təmsil olunacağı vurğulanır. Qeyd olunur ki, 17 gün davam edəcək yarışlarda Böyük Britaniyanın ən yaxşı kişi gimnastı Frank Beynz də iştirak edəcək.

Birinci Avropa Oyunlarında İrlandiyadan 14 idman növünü təmsil edən 63 idmançı iştirak edəcək. Bu barədə “sportswomen.ie” saytında dərc olunan məqalədə məlumat verilir. Bildirilir ki, ümumilikdə İrlandiyanı 12 idman növündə 27 qadın atlet təmsil edəcək.

“lsm.lv” saytında ölkənin Milli Olimpiya Komitəsinin prezidenti Jorj Tikmersin müsahibəsinə istinadən məlumat verilir ki, birinci Avropa Oyunlarında Latviyanı 67 idmançı təmsil edəcək.

“Birinci Avropa Oyunlarında qeyri-Olimpiya idman növlərində də yarışlar keçiriləcək. Şəxsən mən karate və sambonun Oyunlara daxil edəlməsinə çox şadam”,- deyə Latviyanın Milli Olimpiya Komitəsinin prezidenti bildirib.

Azərbaycanın Oyunlara ənənəvi Şərq təntənəsi ilə hazırlaşdığının qeyd olunduğu yazıda yarışlar üçün nəhəng infrastruturun yaradıldığı bildirilir.

“Oyunlarda iştirak edəcək hər kəsin rahatlığını təmin etmək üçün Azərbaycan hökuməti əlindən gələni edib. Atletlər Kəndində idmançılar üçün hər cür şərait yaradılıb. Xarici nümayəndələrin rahatlığı üçün hər şey nəzərə alınıb. Ümumilikdə 59 Olimpiya, 200 dünya çempionunun iştirak etdiyi birinci Avropa Oyunlarında Latviyanı da ən yaxşı idmançılar təmsil edəcək. Xüsusilə çimərlik voleybolu və cüdoda medal qazanacağımıza inanıram”,- deyə J.Tikmers müsahibəsində qeyd edib.