Xəbərlər
Azərbaycan 2025-ci ilədək qeyri-neft məhsullarının ixracının illik dəyərini 5 milyard dollara çatdıracaq
Azərbaycan 2025-ci ilədək qeyri-neft məhsullarının ixracının illik dəyərini 5 milyard dolları çatdırmağı planlaşdırır.
Bu barədə Azərbaycanda İxracın və İnvestisiyaların Təşviqi Agentliyinin (AZPROMO) rəhbəri Yusif Abdullayev deyib.
“AZPROMO olaraq, beynəlxalq sərgi və yarmarkalarda vahid ölkə stendi ilə təmsil olunuruq. Yerli istehsal olan qeyri-neft məhsullarımızı ölkə xaricində “Made in Azerbaijan” brendi adı ilə təqdim edirik. Milli ixrac strategiyamızın əsas hədəfləri yeni ixracın təşviqi mədəniyyətinin yaradılması və yerli məhsulların daha geniş coğrafi məkanlara ixracıdır”, - deyə Y.Abdullayev vurğulayıb.