Xəbərlər
Azərbaycanla Əlcəzair arasında diplomatik və xidməti pasportlara malik şəxslər qarşılıqlı viza tələbindən azad edilib
“Azərbaycan Respublikası Hökuməti ilə Əlcəzair Xalq Demokratik Respublikası Hökuməti arasında diplomatik və xidməti pasportlara malik şəxslərin qarşılıqlı viza tələbindən azad edilməsi haqqında” Saziş təsdiqlənib.
Oktyabrın 21-də Azərbaycan Respublikasının Prezidenti İlham Əliyev bununla bağlı Qanunu imzalayıb.
Qeyd edək ki, iki ölkə arasında sözügedən Saziş 2022-ci il avqustun 10-da Bakı şəhərində imzalanmışdı.