Xəbərlər
Yevlaxda Vətən müharibəsi şəhidi doğum günündə anılıb
Yevlaxda Vətən müharibəsi şəhidi Əliyev Cəlal Əli oğlunun xatirəsi anılıb. Yevlax Şəhər İcra Hakimiyyətinin və YAP Yevlax rayon təşkilatının nümayəndələri şəhidin doğum günü münasibətilə rayonun Nemətabad kəndində yerləşən xatirə kompleksini ziyarət edib, önünə gül dəstələri düzüb, Vətən qəhrəmanının əziz xatirəsini böyük ehtiramla yad ediblər.
Şəhidin ailə üzvlərinin, kənd sakinlərinin iştirak etdiyi tədbirdə şəhidin ruhuna dualar oxunub, onun şərəfli həyat və döyüş yolundan geniş bəhs olunub.
Daha sonra tədbir iştirakçıları şəhid Cəlal Əliyevin ailəsini ziyarət edərək, dərin hüznlə başsağlığı verib, onların qayğı və problemləri ilə maraqlanıblar.
