Xəbərlər
Yeni Azərbaycan Partiyası Təftiş Komissiyasının növbəti iclası keçirilib
Dekabrın 29-da Yeni Azərbaycan Partiyası Təftiş Komissiyasının videokonfrans formatında növbəti iclası keçirilib.
YAP Təftiş Komissiyasının sədri, Milli Məclisin deputatı Sevinc Hüseynova iclasın gündəliyi barədə məlumat verib. Bildirib ki, iclasda YAP Təftiş Komissiyasının 2022-ci il üçün İş Planının təsdiqi müzakirə olunacaq, cari məsələlərə baxılacaq.
İclasda YAP Təftiş Komissiyasının üzvləri – Aydın Hüseynov, Məlahət İbrahimqızı, Naqif Həmzəyev, Səməd Seyidov, Musa Musayev, Cavanşir Paşazadə və Elman Nəsirov İş Planına münasibət bildiriblər.
Sonda YAP Təftiş Komissiyasının 2022-ci il üçün İş Planı təsdiq olunub.
