Xəbərlər
Ucarda şəhid Ramiz Bəkdəmirovun xatirəsi anılıb
YAP Ucar rayon təşkilatı Birinci Qarabağ müharibəsində itkin düşmüş Bəkdəmirov Ramiz Ənvər oğlunun anım tədbirini keçirib. 1992-ci ildə Ağdam rayonun Şelli kəndində itkin düşmüş Ramiz Bəkdəmirova şəhid statusu verilib.
Tədbirdə əvvəlcə Şəhidlər Xiyabanını ziyarət edərək naməlum əsgərin məzarı önündə Ramiz Bəkdəmirovun xatirəsi anılıb, ruhuna dualar oxunub. Daha sonra şəhidin təhsil aldığı Ucar şəhər 4 saylı tam orta məktəbində məktəblilər şəhidlərimizə həsr olunmuş kompozisiya təqdim ediblər.
Şəhidin bacısı Sevda Əhmədova şəhidlərə göstərilən diqqət və qayğıya görə Azərbaycan Prezidenti İlham Əliyevə və Birinci vitse-prezident Mehriban xanım Əliyevaya minnətdarlığını bildirib.
