Xəbərlər
Samuxda şəhid Bayram Məmmədovun ildönümü qeyd olunub
Samux rayonu Qarayeri qəsəbəsində 44 günlük Vətən müharibəsində qəhrəmanlıq göstərərək şəhidlik mərtəbəsinə yüksəlmiş Məmmədov Bayram Elnur oğlunun ildönümü qeyd olunub.
İldönümü mərasimində Samux Rayon İcra Hakimiyyətinin başçısı Alı Qocayev, Yeni Azərbaycan Partiyası Samux rayon təşkilatı sədrinin səlahiyyətlərini icra edən Gündüz Bayramov, hüquq-mühafizə orqanlarının rəhbərləri, şəhidin ailə üzvləri və kənd ictimaiyyətinin nümayəndələri iştirak ediblər. Şəhidimizin məzarı ziyarət olunub, məzarı üstünə gül-çiçək dəstələri düzülərək ruhuna dualar oxunub.
Mərasimdə şəhidimizin keçdiyi şərəfli döyüş yolundan danışılıb. Qeyd olunub ki, Füzuli-Xocavənd istiqamətində gedən ağır döyüşlərdə şəhid olub.
Qeyd edək ki, ölümündən sonra Bayram Məmmədov Azərbaycan Respublikası Prezidentinin müvafiq sərəncamları ilə “Vətən uğrunda” və “Xocavəndin azad olunmasına görə” medalları ilə təltif olunub.
