YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

Aytən Mustafayeva: Bir sıra Qərb təşkilatlarının dövlətimizlə bağlı qərəzli çıxışlarının arxasında erməni lobbisi dayanır

«ABŞ-da müəyyən şəxslərin Azərbaycanla bağlı qərəzli fikirləri bu dövlətin rəsmi mövqeyi deyil». Bu fikri AMEA-ının İnsan Hüquqları İnstitutunun direktoru, Milli Məclisin deputatı Aytən Mustafayeva deyib.

A.Mustafayeva bildirib ki, Azərbaycanla  ABŞ strateji tərəfdaş ölkələrdir. Onun sözlərinə görə, bir sıra Qərb təşkilatlarının, həmin təşkilatlarda olan şəxslərin dövlətimizlə bağlı qərəzli çıxışlarının arxasında erməni lobbisinin dayandığını söyləyə bilərik.

«Ermənistanda insan hüquqları ilə bağlı vəziyyətin kifayət qədər pis olmasına rəğmən, bu yöndə fəaliyyət göstərən təşkilatlar Sarkisyan rejiminə qarşı heç bir kəskin münasibət bildirmir. Bunun əvəzində Azərbaycanda mövcud olan demokratik mühitə qarşı qərəz, aqressiya sərgilənir. Azərbaycanın Avropa, eləcə də Qərb üçün çox önəmli enerji tərəfdaşı olması əlbəttə düşmənləri qıcıqlandırır. Əminik ki, bütün bu kimi qərəzli çağırışların arxasında məhz erməni əli, erməni lobbisi dayanır»- deyə, A.Mustafayeva vurğulayıb.

 

DİGƏR Xəbərlər Arxiv