Xəbərlər
Prezident İlham Əliyev Anar Kərimovun Azərbaycan Respublikasının Mədəniyyət naziri təyin edilməsi haqqında Sərəncam imzaladı
Azərbaycan Respublikasının Prezidenti İlham Əliyev Anar Qabil oğlu Kərimovun Azərbaycan Respublikasının Mədəniyyət naziri təyin edilməsi haqqında Sərəncam imzaladı.
Dövlətimizin başçısının digər Sərəncamı ilə Anar Kərimov Mədəniyyət nazirinin birinci müavini vəzifəsindən azad edilib.
Həmçinin “Azərbaycan Respublikası Mədəniyyət nazirinin vəzifələrini müvəqqəti icra etmək səlahiyyətinin verilməsi barədə” Azərbaycan Respublikası Prezidentinin 2020-ci il 20 iyul tarixli 2163 nömrəli Sərəncamı ləğv olunub.