YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Parisdə Azərbaycan ilə bağlı fotosərgi böyük əks-səda doğurub

Noyabrın 28-də Parisin mərkəzindəki məşhur “Pöti pale“ sərgi-muzey salonunda Azərbaycnın birinci xanımı, Heydər Əliyev Fondunun prezidenti Mehriban Əliyevanın və Fondun vitse-prezidenti Leyla Əliyevanın iştirakı ilə tanınmış fotoqraf Reza Deqatinin Azərbaycan ilə bağlı sərgisinin açılışı böyük əks-səda doğurub.
Bunu sərgiyə gələnlərin sayının gündən-günə artması sübut edir.
Parislilər və şəhərin qonaqları sərgidə Azərbaycanın tarixini, mədəni dəyərlərini əks etdirən fotolara tamaşa etməyə daha çox üstünlük verirlər. Sərgini ziyarət edənlərin əksəriyyəti 1990-cı ildə Qara Yanvar hadisəsini və Dağlıq Qarabağ münaqişəsini, o cümlədən Xocalı soyqırımını əks etdirən fotolara xüsusi maraq göstərirlər. Ziyarətçilər insanlığa qarşı çevrilən münaqişələri əks etdirən fotoların yanından etinasız ötmür, onların qarşısında uzun müddət dayanaraq dünyamızın faciəsini yaşayan insanların taleyinə biganə qalmır, ağır hisslər keçirirlər. Bunu onların sifətlərindəki ifadədən aydınca oxumaq olur.
Xatırladaq ki, sərgi dekabrın 7-dək davam edəcəkdir.