Xəbərlər
Azərbaycan Prezidenti meksikalı həmkarını milli bayram münasibətilə təbrik edib
Azərbaycan Prezidenti İlham Əliyev Meksikanın milli bayramı – Müstəqillik Günü münasibətilə bu ölkənin Prezidenti Andres Manuel Lopes Obradora təbrik məktubu göndərib.
Dövlətimizin başçısı Azərbaycan ilə Meksika arasındakı dostluq və əməkdaşlıq münasibətlərinin inkişafının bundan sonra da xalqlarımızın mənafelərinə xidmət edəcəyinə inandığını bildirib.
Azərbaycan Prezidenti meksikalı həmkarına möhkəm cansağlığı, işlərində uğurlar, dost Meksika xalqına daim sülh və rifah diləyib.