Xəbərlər
Hikmət Babaoğlu: Hər bir azərbaycanlı beynəlxalq tədbirlərdə Azərbaycan Prezidentini dəstəkləməlidir
“Hər bir azərbaycanlı beynəlxalq tədbirlərdə Azərbaycan Prezidentini dəstəkləməlidir”. Bu fikri Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu parlamentin bu gün keçirilən iclasında deyib.
H.Babaoğlu bildirib ki, Azərbaycan Prezidenti İlham Əliyev Brüsselə səfəri zamanı mühüm görüşlər keçirdi. Belə ki, dövlətimizin başçısı səfər zamanı Belçika kralı, eləcə də Avropa İttifaqı Şurasının prezidenti ilə görüşlərində ölkəmizin ərazi bütövlüyü məsələsini qaldırdı.
“Belə olan halda, xaricdə yaşayan azərbaycanlılar işğalçı ölkənin baş nazirinə qarşı protest etməli, işğalçı tərəfə öz etiraz səsini ucaltmalıdır. Son dövrlərdə bu istiqamətdə ciddi işlər aparılır. Diasporla İş üzrə Dövlət Komitəsi Azərbaycan həqiqətlərinin dünyaya çatdırılmasında vacib işlər görür”-deyə, millət vəkili qeyd edib.