Xəbərlər
Bakıda Azərbaycanın, Gürcüstanın və Almaniyanın özəlləşdirmə qurumları nümayəndələrinin iştirakı ilə seminar keçiriləcək
Yaxın günlərdə Bakıda Azərbaycan Respublikası Əmlak Məsələləri Dövlət Komitəsi, Gürcüstanın Dövlət Əmlakı üzrə Milli Agentliyi və Almaniya Federativ Respublikasının Özəlləşdirmə Qurumu nümayəndələrinin iştirakı ilə seminar keçiriləcək.
Bu məlumatı jurnalistlərə açıqlamasında Əmlak Məsələləri Dövlət komitəsinin sədri Kərəm Həsənov bildirib.
Komitə sədri deyib ki, Almaniyanın GIZ təşkilatı tərəfindən təşkil olunacaq seminarda dövlət əmlakı sahəsində beynəlxalq təcrübə öyrəniləcək və təcrübə mübadiləsi həyata keçiriləcək.