Xəbərlər
Xanhüseyn Kazımlı: Azad iqtisadi zonaların fəaliyyəti əhalinin məşğulluğuna da geniş imkanlar yaradacaq
«Ölkəmizin son illər logistika və nəqliyyat mərkəzi kimi mövqeyinin gücləndirilməsi, həmçinin ölkəmizdə çoxşaxəli nəqliyyat infrastrukturunun yaradılması istiqamətində mühüm işlər görülüb». Bu fikirləri Milli Məclisin İqtisadi siyasət, sənaye və sahibkarlıq komitəsinin üzvü Xanhüseyn Kazımlı deyib.
X.Kazımlı bildirib ki, azad iqtisadi zonalarda sahibkarlara geniş imkanlar yaradılır.
«Azad zonaların fəaliyyəti iqtisadiyyatın davamlı inkişafına və rəqabət qabiliyyətinin artmasına təkan verəcək, Azərbaycanın ixrac potensialını gücləndirəcək. Son 20 ildə transmilli enerji infrastrukturunun, eləcə də Bakı-Tbilisi-Qars dəmir yolu xətti, Şimal-Cənub nəqliyyat dəhlizi və s. kimi beynəlxalq layihələrin reallaşdırılması investorların ölkəmizə marağını xeyli artırıb. Azad iqtisadi zonaların fəaliyyəti əhalinin məşğulluğuna da geniş imkanlar yaradacaq»-deyə, komitə üzvü qeyd edib.