Xəbərlər
Azərbaycan Hərbi Hava Qüvvələrinin pilotları “F-16” təyyarələrində uçuşlar keçirirlər
Azərbaycan və Türkiyə Hərbi Hava Qüvvələrinin birgə təlimləri davam edir.
Müdafiə Nazirliyinin mətbuat xidmətindən bildiriblər ki, sentyabrın 24-də təlimlərdə iştirak edən Azərbaycan Hərbi Hava Qüvvələrinin pilotları ilk dəfə olaraq ikiyerli “F-16” tipli döyüş-təlim qırıcı təyyarələrində Türkiyə pilotları ilə birgə uçuşlar yerinə yetiriblər.
Təlim uçuşları zamanı pilotların bu tipli təyyarələrin idarə olunması üzrə peşəkar bacarığı və uçuş heyətinin ümumi hazırlığı yoxlanılıb.
Hərbi Hava Qüvvələrinin təlimləri oktyabrın 3-dək davam edəcək.