Xəbərlər
Bu gün Azərbaycan, Türkiyə, İran və Gürcüstan XİN rəhbərlərinin birinci dördtərəfli görüşü keçiriləcək
Bu gün Bakıda Azərbaycan, Türkiyə, İran və Gürcüstan xarici işlər nazirlərinin birinci dördtərəfli görüşü keçiriləcək.
Azərbaycan, Türkiyə, İran və Gürcüstanın xarici işlər nazirləri Elmar Məmmədyarov, Mövlud Çavuşoğlu, Məhəmməd Cavad Zərif və Mixeil Canelidzenin iştirakı ilə keçiriləcək görüşdə ikitərəfli və üçtərəfli əsasda olan əməkdaşlığı tamamlayaraq dördtərəfli əsasda region ölkələri arasında regional sülh, sabitlik və təhlükəsizliyin gücləndirilməsi, iqtisadi, nəqliyyat, enerji, turizm, mədəniyyət və digər qarşılıqlı maraq kəsb edən sahələrdə əməkdaşlığın inkişaf etdirilməsi məsələləri müzakirə olunacaq.