Xəbərlər
YAP Qaradağ rayon təşkilatının fəalları imzatoplama kampaniyasında yüksək aktivlik və işgüzarlıq göstərirlər
Yeni Azərbaycan Partiyası Qaradağ rayon təşkilatı 11 aprel 2018-ci il tarixdə keçiriləcək prezident seçkilərində YAP-ın Azərbaycan Respublikası Prezidentliyinə namizədi cənab İlham Heydər oğlu Əliyevin namizədliyinin müdafiəsi məqsədilə seçici imzalarının toplanması prosesini uğurla davam etdirir. YAP Qaradağ rayon təşkilatının Seçki Qərargahının fəalları rayon ərazisində yerləşən Dairə Seçki komissiyalarının əhatə etdiyi məntəqələr üzrə müvafiq sayda imzaları toplayırlar. Rayon təşkilatının fəalları Seçki Məcəlləsinin və qanunvericiliyin tələblərinə uyğun olaraq hər bir sakinlə fərdi qaydada görüşür, şəxsiyyət vəsiqəsi və ya onu əvəz edən sənəd əsasında məlumatları qeyd edirlər. Yeni Azərbaycan Partiyasının Mərkəzi Seçki Qərargahı tərəfindən verilən tövsiyə və tapşırıqlara uyğun olaraq, müvafiq mərhələlər üzrə nəzərdə tutulan işləri uğurla həyata keçirən YAP Qaradağ rayon təşkilatının fəalları bu mərhələni də müvəffəqiyyətlə başa vurmaq üçün yüksək fəallıq və işgüzarlıq göstərirlər.
