Xəbərlər
Qırğızıstanın Azərbaycandakı səfirinin diplomatik fəaliyyəti başa çatır
Xarici işlər naziri Elmar Məmmədyarov Qırğız Respublikasının Azərbaycan Respublikasındakı səfiri Aycigit Buranov ilə diplomatik fəaliyyətinin başa çatması münasibətilə görüşüb.
XİN-in mətbuat xidmətindən bildiriblər ki, səfir Aycigit Buranov diplomatik fəaliyyəti müddətində ona göstərilən dəstəyə görə təşəkkürünü bildirib və iki ölkə arasında dostluq əlaqələrinin inkişafı üçün səylərini əsirgəmədiyini vurğulayıb.
Nazir Elmar Məmmədyarov səfir Aycigit Buranova gələcək fəaliyyətində uğurlar arzu edib.