YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Şahin Mustafayev: Azərbaycan Türkiyə və Gürcüstana xarici sərmayə qoyuluşunda liderlik edir

Azərbaycan Türkiyə və Gürcüstana xarici sərmayə qoyuluşunda liderlik edir.

Bunu İstanbulda AZƏRTAC-a müsahibəsində Azərbaycanın iqtisadiyyat naziri Şahin Mustafayev deyib.

O bildirib ki, hazırda Türkiyə iqtisadiyyatına ölkəmizin sərmayə qoyuluşu 9 milyard ABŞ dolları təşkil edir. Bu məbləğin 16-17 milyarda çatdırılması hədəflənir. Gürcüstan iqtisadiyyatına yatırım isə 3,4 milyard dollar təşkil edir ki, bunun da 2,7 milyard dolları qeyri-neft sahəsinin payına düşür.

Ölkəmizin Türkiyə və Gürcüstan iqtisadiyyatının inkişafına xüsusi önəm verdiyini vurğulayan nazir qeyd edib ki, hər iki ölkə ilə qarşılıqlı ticarət dövriyyəsi yüksələn xətlə davam edəcək.