YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

TANAP: Kompressor və ölçmə stansiyalarının tikintisi sərt qışa baxmayaraq davam etdirilir

Azərbaycan təbii qazının Türkiyəyə və qardaş ölkədən də Avropaya nəqlini nəzərdə tutan Trans-Anadolu qaz boru kəmərinin (TANAP) inşası çərçivəsində kompressor və ölçmə stansiyalarının tikintisi sərt qışa baxmayaraq davam etdirilir.

Bunu AZƏRTAC-a eksklüziv müsahibəsində TANAP-ın baş direktoru Saltuk Düzyol deyib.

“Hazırda Faza-0 (yəni 2018-ci ilin iyununda Türkiyəyə ilk təbii qazın verilməsi üçün görüləcək işlər) və Faza-1 (2019-ci ilin sonunda Avropaya təbii qazın verilməsi üçün tamamlanması nəzərdə tutulan işlər) çərçivəsində ölçmə (MS1, MS2, MS3 və MS4) və kompressor stansiyalarının (CS1 və CS5) tikintisi aparılır. Faza-0 çərçivəsində TANAP tərəfindən tədarük edilərək podratçı şirkətə veriləcək əlavə xərc tələb etməyən materialların mühüm bir hissəsi, Türkiyəyə təbii qazın verilməsi üçün istifadə ediləcək kompressor stansiyasının əsas avadanlığı olan “SOLAR” markalı turbin və kompressor üçün avadanlıqlar artıq tikinti meydançasına gətirilib. Bundan başqa, Faza-0 çərçivəsində podratçı şirkət tərəfindən tədarük ediləcək boru avadanlıqları və polad konstruksiya materiallarının sifarişləri tamamlanıb. Artıq həmin polad konstruksiya materiallarının zavodda hazırlanmasına başlanılıb. İstehsalı başa çatan polad konstruksiyanın meydançada montajı aparılır”, - deyə TANAP-ın baş direktoru qeyd edib.