Xəbərlər
XİN: Hamburqda nazirlərin 2+3 formatında görüşünün baş tutmamasına səbəb Ermənistanın destruktiv siyasətidir
ATƏT-in Minsk qrupunun həmsədrlərinin dəvəti ilə dekabrın 8-də gecə radələrində həmsədrlərin, Azərbaycanın və Ermənistanın xarici işlər nazirlərinin birgə işçi şam yeməyi olub.
Bu barədə Xarici İşlər Nazirliyinin mətbuat xidmətinin rəhbəri Hikmət Hacıyev məlumat verib.
H.Hacıyev deyib ki, Fransanın xarici işlər naziri Jan-Mark Eyro Hamburqda xarici işlər nazirləri səviyyəsində 2+3 formatında görüş keçirilməsini təklif etmişdi. Təəssüf ki, Ermənistan tərəfinin destruktiv siyasəti və görüşlərdən qaçmaq siyasəti nəticəsində xarici işlər nazirləri səviyyəsində 2+3 formatında görüş baş tutmadı.
Şam yeməyi əsnasında həmsədrlərlə növbəti il üçün danışıqlar prosesinin davam etdirilməsi və gündəlikdə duran məsələlər ətrafında fikir mübadiləsi aparılıb.