YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Azərbaycanda 2020-ci ilədək nağdsız hesablaşmaların inkişaf strategiyası hazırlanıb

Azərbaycan Mərkəzi Bankı (AMB) ölkədə 2020-ci ilədək nağdsız hesablaşmaların inkişaf strategiyasını hazırlayıb.

Bu barədə jurnalistlərə Mərkəzi Bankın Ödəniş Sistemləri və Hesablaşmalar Departamentinin rəhbəri Kəmalə Qurbanova deyib.

O bildirib: "Bir müddət əvvəl bizim tərəfimizdən 2012-2016-cı illərdə ölkədə nağdsız ödənişlərin inkişafı üzrə Dövlət Proqramının layihəsi hazırlanmışdı, lakin təəssüf ki, onun təsdiqlənməsi proseduru yubandı. 2015-2020-ci illərə şamil ediləcək və həmin vəzifələri əhatə edəcək yeni sənədin hazırlanması qərar alındı".

K.Qurbanova əlavə edib ki, sənəd layihəsi bu ilin sonuna kimi hökumətə təqdim ediləcək.

Onun sözlərinə görə, AMB bundan sonra da nağdsız hesablaşmaların stimullaşdırılması siyasətini, eləcə də müxtəlif tədbirlərin keçirilməsi yolu ilə əhalinin maliyyə savadlılığının artırılmasını həyata keçirmək niyyətindədir.

Dövlət Proqramı bir sıra istiqamətlər, o cümlədən elektron ödənişlər üçün infrastrukturun imkanlarının genişləndirilməsini, elektron ödənişlər üçün normativ-hüquqi bazanın gücləndirilməsini, əhalinin və təsərrüfat subyektlərinin yaradılan infrastruktura fəal şəkildə cəlb edilməsi, əhalinin maarifləndirilməsi üzrə tədbirləri nəzərdə tutur.