Xəbərlər
“Opinione Publica” portalı Azərbaycan Prezidentinin Antalya Sammitində iştirakından yazır
İtaliyanın “Opinione Publica” xəbər saytında Azərbaycan Prezidenti İlham Əliyevin “Böyük İyirmiliyin” (“G20”) Antalyada keçirilən Sammitində iştirakından bəhs edən yazı yerləşdirilib.
Dövlətimizin başçısının tədbirdəki çıxışından fikirlərə yer verən müəllif qeyd edir ki, Prezident İlham Əliyev Azərbaycanın sürətli iqtisadi inkişafına, ölkədə mövcud əlverişli investisiya mühitinə, işsizliyin aradan qaldırılmasına və digər məsələlərə toxunub.
Bildirilir ki, Azərbaycan Prezidenti çıxışında Türkiyədə və Fransada baş vermiş terror aktları ilə əlaqədar bu ölkələrin xalqlarına başsağlığı verib.